Analisti Ben Andoni tha përmes një lidhje të drejtpërdrejte me studion e MCN Live se problemet e Vlorës nuk janë problemet e Ermal Dredhës që po tregon që nuk mund ta menaxhojë siç duhet qytetin, por fakti që zhvillimi nuk përputhet me realitetin. Sipas Andonit, Rama e llogarit çdo institucion apo çdo pushtet si domenin e tij.
Rama po mundohet të mbajë të tendosur situatën por nuk e shqetëson ndonjë gjë. Shqetësimi është për qytetarët e Ramës, për qytetarët e Vlorës. Kryeministri ka të drejtë që të këshillohet me pushtetin lokal, nuk ka lidhje Kushtetuta. Problemi i madh është që drejtimi i Ramës, Berishës dhe Nanos nuk kanë arritur të pjellin dot decentralizim real të pushtetit lokal.
Problemet e Vlorës nuk janë problemet e Ermal Dredhës që po tregon që nuk mund ta menaxhojë siç duhet qytetin e Vlorës. Zhvillimi nuk përputhet me realitetet e Vlorës, realitetin urbanistik infrastrukturor, mjedisor dhe të tjera. Të gjitha janë të mbartura për shkak të mungesës së decentarlizimit të duhur.
Një pjesë e madhe e licencave jepen nga Tirana. Një pjesë e autoritetit të madh është nga Tiranë. Pushteti lokal është apendiks i pushtetit vendor. Kjo e bën Ramën që të ketë tagrin që të shkojë në pushtetin lokal. Gjënë që Rama duhet të kuptojë, po s’do e kuptojë se shqiptarët i dhanë dhe një mandat të 4, është shqetësues është që ai e llogarit çdo institucion, apo pushtet si domenin e tij.
Rama, jo vetëm që nuk ka shqetësim nga pushteti lokal, po dorëheqja gati në grup tregon jo vetëm e pjesën e mungesës së dinjitetit, por pjesën që nëpunësit nuk kanë asnjë lloj tagri.
Sa i përket Veliajt, nuk pres të futet më në skiakerën e politikës shqiptare. I pari që e ka kuptuar është vetë Veliaj.
Ka për të vuajtur dhe pasardhësi i Dredhës, nëse s’do jetë sërish Dredha për shkak të interesave të jashtëzakonshme që ka ky qytet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
